buying some products from gear best website

I have made an order to buy some items from gear best 

those items were 

flex screw driver 

http://www.gearbest.com/screwdriver-screwdriver-set/pp_295453.html

flash light 

http://www.gearbest.com/led-flashlights/pp_360838.html

endoscope 

http://www.gearbest.com/microscopes-endoscope/pp_229387.html

mi band 1 s 

http://www.gearbest.com/smart-wristband/pp_263275.html

and finally 

xiaomi Bluetooth headset 

http://www.gearbest.com/earphones/pp_263770.html

which I'll review 

pros : good material 

looks amazing 

perfect battery life 

clear sound 

not annoying to ear 

original product 

conc

it sound is not very load 

the delivery  time was perfect 

and here is a video for the product 

قلب الميزان

عدالة الإجتماعية


مازلت عند أعتقادي بأن مشكلتنا اننا مش بنحللذاتنا و أفعلنا
بل نستهلك قدرتنا التحليلة لتخليل أفعال الناس و ذمها


- بياع جرايد واقف الساعة 2 الظهر تحت الشمس حتي يظهر
يكسب جنيه في كل أربع جرايد

- بائعة خضرة تصحى الفجري تجري على رزقها
تكسب ربع جنيه في ربطه الخضره .. ترجع بيتها ب 20 جنية مكسب

- صاحب محل تصوير جنب السجل المدني .. عامل كشك .. جايب مكنة تصوير ... جايب مولد كهرباء .. يتلطع في الشمس عشان مستني زبون يصور بطاقة ب نص جنية

- فواعلي ينزل الفجر من بيته بعدته .. يا يشتغل يا لأ
يرجع بيته ب 40 أو خمسين جنيه


و الامثله لا تنتهى

تيجي أنت تدفع الجنيه ده لشحات شاب  أو شابه  معملش حاجه
مع انه شاب قادر على الشغل
فلي لحظه سويت بين من يعمل و من لا يعمل
رجعت الشحات بيته بأضعاف فلوس من يعمل

بالله مش ده ظلم  ؟
مش ده هدم  للعدالة الأجتماعية ؟
مش ده دعوة للكسل

قد تكون بتساهم في ده عن غير قصد
بس أرجوك فكر في الأمر

ملحوظة : انا بتكلم عن فئة معينه من  الشحاتين القادرين على العمل

تيجي أهزئك ؟

بقالي فتره مكتبتش
الأسباب كتير منها المنطقي و منها غير المنطقي

_______________________________________________

من فتره أحتجت لضحك
فتحت التلفزيون لقيت إعلان
CBC ساعة من الضحك
يا حظك يا هناك جيالك على الطبطاب

حتي أكتشفت أنها ساعة و القرف و مضيعة الوقت
حثاله من البشر يعطوا انفسهم الحق في تهزيك و ترويع البشر تحت مسمى إسعاد الناس و إدخال الفرحة لقلوبهم

بين برنامج يروع قلب والدين عن فلذة كبدهم
في منظر مقزز يتركهم في مخاوفهم عن ضياع أعز ما يملكوا
بتجرد تام من الإنسانية

و بين برنامج يجيب حد و يهزقه و في اللأخر يخبره انه مقلب
طب ما هو أتهزق خلاص
الأمر البشع هنا
إن الهذار يبفترض ان يكون بعيد عت الواقع حتى ال يجرح
عشان كده لما أجيب ممثل كبير و ارخم عليه أقوله انت بتجري ورا المنتجين
ولا حيتجرح
لكن قمة الحقاره أني أعمل كده مه ممثل مغمور ممكن بنطبق عليه الهذار

لكن انا متوقع منهم ده في مناخ شغله الشاغل هو جمع المال

لكن الغريب رد فعل الناس و تفاعلهم مع التعذيب البيحصل على الهوى ده
أيه وجه المتعه انك تشوف حد بيتعذب او بتهزق
أتحب لنفسكك أو  لأهلك كده ؟
حقيقي مش عارف
تقبل مجتمعنا لحاجه زي دي نذير مش كويس


ربنا يسامحهم

هل تعلم

عندي بكرة أمتحان heat transfer
فحكتب تدوينة من وحي المادة دي :D

من أشهر الحاجات الي بنستعملها للتحكم في تدف الحرارة أو انتقالها
هي العوازل

أبسط مثال على العوازل

اللبس ال انت لبسه دلوقتي عشان متتجمدش من الساقعة

درجة حرارة جسمك 37
درجة حرارة الجو مثلا 20
فت بيعني الحرارة حتنتقل من جسمك للجو
و ده حيكون مصيبة
لأنه معناه انك حتفقد طاقتك و تلج
فبتلبس لبس عشان يمنع فقدان الحرارة من جسمك للجو المحيط بيك فميجلكش برد :D



طب في الصيف

درجة حرارة جسمك 37
درجة حرارة الجو 35
ف دة معناة برده ان الحرارة حتنتقل من جسمك للجو
فس هنا حيكون ده محبوب
لانك أصلا حران و عايز تبرد جسمك
ف بتخفف هدومك عشان الحرارة تطلع منك

لحد هنا عادي
ما ده المتعودين علية :D

طب بص للبدوي كده



الجو في الصحراء نار و مع ذلك تلاقيه لابس عباية من الوصف
طب ليه ؟

 أفرض مثلا في حالة
ان درجة حرارة الجو >37
و درجة حرارة الجسم 37
يبقى انتقال الحرارة من الجو للجسم
و ده انا مش عايزة " هو انا ناقص حر "
يعني لو لبس خفيف جسمي حيتحر أكتر
يبقى المنطقي لو الجو أحر من 37 البس لبس تقيل قوي عشان امنع الحرارة من الأنتقال لجسمي .


-يتبع بعد ما أرجع من الأمتحان عشان شكلى أتزنقت :D


رجعنا من تاني بعد الأمتحان الغريب بتاع النهاردة :D -

يعني المفروض لما يكون الجو اعلى من 37 - زي معظم أيام الصيف في الشمس- البس تقيل قوي
يعني ألبس جاكيت

طب حاول تجربها فعليا كدة
حتدعي عليا :D

كده معانا نص المعلومة بس


طب تعالى نكمل النص التاني

من النعم ال ربنا أختصنا بيها لأخراج الحرارة هي العرق لما يكون الجو حر تعرق
العرق دي سوائل تحتاج تتبخر
لما تتبخر بتسحب حرارة من الجسم " زي فكرة القلة أو الزير "

ف إنت إذا لبست تقيل حتمنع نفسك من النعمه دي

عشان كمية الحرارة المفقودة من بسبب العرق أكبر من كمية الحرارة ال حتخشلك بسب انك لابس خفيف


عشان كده بيقولك
نص المعرفة أخطر من الجهل :)
لو جاهل
حتقلع عادي ما ده الطبيعي
لو عندك نصف معرفة
حتلبس تقيل في الصيف
لو عندك معرفة بالنص التاني
عادي حتلبس خفيف
و جايز تكون المعلومة ليها تكملة و انا مش عارف :)

توضيح :  البدوي بيلبس عباية صوف عشان كمية الحرارة ال حتدخله لو لبس خفيف أكبر من كمية الحرارة ال حيفقدها بالعرق 
وده بيحصل لما يكون الجو حر أوي فوق ال 50 درجة مثلا 

دمتم سالمين :)

خواطر واحد بيمتحن :D  

الإمتحانات

                          

إمتحانات 

exams 

أختبارات 

exámenes

próf

Prüfungen

esami

試験

زمااااااااان كنت بكرها أوي أوي

بس 

دلوقتي 

بقيت بكرها أكتر 

بكتيييييييييييييييييييييييييييير 

بس كده 

علمني حرفاً

                                 
بعد شوية عندي أمتحان C++
دي لغة برمجة للميعرفش 
#include <iostream>

using namespace std;

int main()
{
cout<<welcome @my blog <<endl;

}

دي تقريبا ثاني تجربة برمجه ليا

بغض النظر عن مش فاهم غير أوائل الأساسيات بس و مش عارف احل حاجة

بس

أحساس أنك بتعلم عيل صغير
بتفهمة كله حاجه بلغتة
و تحاسبة على أساس ال علمتهوله
و غير كده يبقى العيب عليك

لغة البرمجة
صريحه
واضحه مباشره
مفيهاش سوء نية و ال توقعات غير حقيقية
مفيش أحتمال لسوء الفهم
حتعرف صح
حتكتب صح
حتلاقي النتيجة الصح



بتخيل لو بنتعامل مع بعض على بطريقة البرمجة
افرض انك مش عارف حاجة
اعرفلك قيمي
أديك المعطيات
أعلمك الدوال
استنى منك المخرجات
الموضوع سهل

على كدة المبرمجين دول المفروض يكونوا أقل ناس عندهم سوء فهم

في انتظار اللحظة ال يتوصل في العالم لكود البشر


و ما العالم إلا كود كبير

أدعولي في الأمتحان بقى :)

سلام 

الفلوس متهمنيش (1)

عن الفلوس
اتكلم


مش عارف ليه الناس بياخدوا انطباع عن اي واحد بيتكلم في الفلوس انه مادي

حتى لاحظت من أجابات الناس في موقع ask  ان الفلوس بالنسبه ليهم مش أولوية

بمعنى أنها مش شئ ضروري للسعادة


عشا نتكلم عن الفلوس

نبدء الموضوع من أوله

عن الفوضى أتحدث

من عنوان التدوينة واضح أني حتكلم عن أحوال البلد بعد الثورة

بس للأسف ظنك حيخيب :D

حتكلم عن مؤسسة مش فارقه معاها ثورة من غيرها

إنها القاهرة 

المدمرة 

هادمة اللذات

مضيعة اللحظات 

إنها توافيق سيدي الرئيس

" أستيقظت باكراً
أسرعت لأرتداء ملابسي لألحق بموعدي الهام
في الحقيقة ليس هام كما أدعي
انه يوما معتاد كبداية
لكنة يأبى أن يظل كذلك طويلاً
تأبى الأحداث أن تتكرر

رأيتها بل أبصرتها من بعيد
حولها الكثيرون
لكنه ها هي هناك تقبع شامخة
متميزة
تماماً كما راودتني أحلامي
تماماً كما تمنيتها

حاولت و بذات جهدا أن أكمل يومي المعتاد
لكنها صاحبتني أحلامي الحديثة التولد 

جاهدت نفسي

أختيارات خزعبلية

كثيرا ما يمر علينا ما نقراءة
و نعجب بة
ننبهر به
يلمس وتراً حساساً داخل عقولنا أو قلوبنا أو كلاهما

لكن للأسف

لا تحتفظ ذاكرتنا _ أو ذاكرتي انا بالتحديد _ لأكثرها

و بناءً علية

فكرت في جعل تلك المونة تجميعه
لما قرءتة و شعرتة مختلفا

ليس بشرط ان يكون يخصني أو أني مقتنع بة او انة يمثل لي تجربة

ولا أقصدب ة شئ بعينة
لكنة فقط أعجبني

ملحوظة : في اللأغلب حتلاقوها حاجات لأحمد خالد توفيق
و ممكن حاجات من تأليفي
___________________________

-" إن جرائد المدينة الفاضلة سوف تكون مملة جداً" إرثر كلارك
- " أبوك السقا مات " يوسف السباعي - مزاح مؤلم تحول لحقيقة مؤلمة

عيد جديد

عيد سعيد 

أعاده الله عليكم باليمن و البركات 

العيد من العلامات المميزه كل سنه 

كل عيد يعدي أكتشف ان السنين بتجري أسرع 

أحساس ان صلاة العيد اللفات و ال قبله و ال قبله 

كانت لسه أمبارح 

العمر قصير 

ربنا يديمه علينا بخير 

و يرزقنا حسن الأختيار و الحياة 

و حسن الخاتمة

كل سنة و انتم طيبون " أوطيبين " مش فاكر :D

فكروني أخد كورس نحو عشان عيب أو المستوى ال انا فيه ده :)

اركب الهوا

من فترة كنت بعمل عرض عن نظرية ال فراشة 

butterfly effect  لو حد حب يعرف عنها أكتر 

وا نا بدور على المحتوي " ال اخدته من واحد صحبي في النهاية :D " 

لفت نظري جمله لغاندي 

Be The Change you wish to see in this world 

كن انت التغير الذي تريده 

قررت اني أي حاجه مش عجباني 

أحاول  أبدء فيها بنفسي 

ال يعرفني حيعرف ان رسالتي في الحياة 

رفع الكفاءه 

عن طريق التقليل من الطاقه المهدره 

لأن لو اتمنعت الطاقات المهدره من العلم ده كافي انه يعيش البشريه في رخاء 

المهم 

قلت حبدء بنفسي و لما أفكر أدور على عربية حدور على واحده هاتشبالك صغيره تناسب أحتيجاتي "مش لاقي :S "  

حشيل الشواحن من الفيش 

حفتح الشباك و أقفل التكيف 

حظبت موتور عربيتي عشان مييزودش أستهلاك البنزين 

حركب مواصلات عامة او كذا واحد في التاكسي 

أغير لمض البيت للمض موفره 

حمشي المشاوير القريبه 

أخد بالي من تصنيف أستهلاك الكهرباء لأي جهاز أشتريه 

بقتنع والدي نركب سخان شمسي :D 

إلخ 

لحد ما لقيت ابن جارنا الجديد 

معاه أختراع كنت بستعمله زمان و عندي واحد منه 

بس مجاش على بالي من زمان

twitter و الأغتراب " التحليل " (2)

حستغل فكرة اني تعبان و قاعد في البيت أني أكتب
البركه في KFC
ولا أقلكم بلا أظلمه
جايز أكون انا السبب عشان مغسلتش أيدي :S

المهم

نكمل موضوع تويتر

عشان افكركم
انا بتكلم على فكرة انهيار قيمة اللغة الراقيه في تويتر  في تويتر

و اختلاف طريقة الفرد بين تويتر و بين ال fb
مع ان الموضوع عام في ال 2
لكنه يقول في تويتر ما لا يقوله في ال fb

فكرت مره أجرب أشتم و أشوف ردود الفعل بس أحترامي لنفسي و لغيري منعني


حعرض تحليلاتي للموقف

ححل وجهة نظر المرسل
و مش ححل المستقبل
عشان مش عارف ألاقيلها تحليل مناسب و عشان حللت جزء منها في بلوجاية الوصف

ملحوظة : كل القادم وجهات نظر خاصه بيه تحتمل الصواب او الخطأ

لو جينا أخدنا بصة على نوعيات الناس المتبنيه لفكرة الألفاظ في تويتر

حنلاقيهم
1) واحد اصلا لسانه سواء على ال fb  او في الحياه العامه ف بالتالي على تويتر كذلك
و النوع ده مش متطلب منا تحليل هو واضح مع نفسه
حتى في منهم بيوضح ده في ال Bio  بتاعه على توتير
و مع ذلك ليه محبينه و متابعيه

2) تاني نوع و ده برده لسانه قذر في الطبيعه و على النت
بس ال fb  لقى في رقابه مجتمعيه حتأدي لتقليل عدد معجبيه لو شتم . فأحترم نفسه
بس لقى الجو على تويتر مشجع .. فهاص

3) واحد لسانه عادي يعني ولا محترو أوي  ولا صفيق قوي ... زي كتير منا
على fb  كان محترم نفسه أحترما للناس العنده
لكن على توتير مبضرش يقول بعض الألفاظ " الالفاظ درجات برده " لو أنخنق او حب يعبر على نفسه
بدام الدنيا بيس و الناس متقبله
و محدش أعترض و الفولرز عماله تزيد

4) نوع اصلا مبستنش على الحقيقه
لكن نفسه يتمرد على القيود دي
فلقى توتير مناخ مناسب
يتمرد فيه على الوضه الوضعه المجتمع فيه
خصوص لو كانت الشخصيه دي بنت

5) نوع بقه لقى ان كل الناس الجامده بتشتم و هو عايز يبقى جامد فبيشتم

6) نوع بيغظني بقه
فاكر ان الثوريه = شتيمه
و النوع ده بستفزني أوي
و تلاقيه منشكح و فرحان
انا ثوري
مش عارف انها ثورة أخلاق و مبادئ
اعرف اصدقائي ثورجيه مبتصدرش منهم العيبه غن لم يكن أحترام لفنسهم فأحترام للمستمعين و حفاظا على صورة الثوريه البيضاء
منها لله نواره نجم
طلعتلنا جيل من الشتيمه
بس العيب مش عليها
العيب على التأثر بيها


طبعا في أنواع تانيه كتير بس دي الأنواع ال لاحظتها يعني

نبص بقى على التفسيرات المطروحه
او بمعنى أصح القدرت أوصلها

- في رأي ان على fb  انا ال بعمل add  للناس و بناءٍ عليه انا ملزم اني أقدملهم حاجه متجرحومش
لكن في توتير هما ال بيعملولي flow  يعني عجبهم كلامي

- في رأي بيقلك أصل ال fb عليه قاريبي و كده و ناس كبار
لكن توتيتر كله شباب و فهمين الليله

- في رأي بيقول ما الأجانب بشتمو عادي و بص عليهم :S
" طب والله ما انا رادد "

- في رأي بيقولك ما كل الناس بتشتم .. هي جت عليا و بعدين الشتيمه بتحلي التويته

- في رأي بيقولك .... هههههههه مش عارف .. كبر مخك

-رأي بيقلك انا براحتي و ال مش عجيه يمشي و الشايف ان تويتاتي تستاهل ان يستحملتي يقعد

- في رأي ان توتير ده المتنفس ... المزبله يعني

- في رأي اني عبيط و ان البخصل ده الطبيعي

- في وجهة نظر و دي تستحق المناقشه

ان في أصلا في بعض الألفاظ تعتبر شتايم
و هي أصلا مش شتايم
هي ألفاظ أعتبرها المجتمع غير مقبوله
بدون سبب مقنع
الفاظ مبالغه كانت أو الفاظ أعتراض

ناخد مثال صغير عليها بس بعيد عن الفكره بس حيوضحها
طظ معنها ملح .. بس الناس بتعتبرها شيمه

طب تسأله ليه مبتقولش كده في حياتك العامه و قدام أهلك

ممكن تلاقي رد و ممكن متلاقيش



في النهاية
كل واحد بيحدد خطوطه الحمراء ال ميقدرش يتعداها
التحديد ده بيكون بناء على رقيه و بيئته و تفكيره و قيمه .. ألخ


و تويتر ده مرايا لمجتمعنا
ان كنت أخدنه مثال فهو بيعبر عن تناقضت كتير في المجتمع بتعنا

twitter و الأغتراب " الوصف " (1)

حنكلم النهارده عن موضوع أثار أستغرابي و شغل بالي
عن مصطبة المصرين
تويتر
تويتر ابنسبه ليا عامل زي مصطبه
صاحب الحساب بيقعد على الصطبه
و ال فلورز قاعدبن بيسمعولوه
و هو كذلك بيقعد على مصاطب تانيه

بناءٍ على التصور ده احسب ان ال صاحب الحساب ممكن يقوله على تويتر هو نفسه ال عنده الشجاعه ان يقوله في الواقع لو قاعد قدامه نفس لاناس ال عاملينله فلو
و ال ناس العامله فلو متقبلين يسمعوا في الواقع  من صاحب الحساب  الكلام المكتوب في التويته
دي الحاله الطبيعيه إن لم يكن لدى أحدهم نوع من العوار الأجتماعي

اصل مش طبيعي أكتب كلام على النت أو أقبل أسمعه و انا ممش  ممكن أقوله على الواقع أو أقبل أسمعه في الواقع

إلا لو كان في نوع من أختلال القيم حنتكلم عنه قدام
او نوع من الفصل بين الحياة الإلكترونيه و الطبيعيه

اول معرفتي بوتويتر  " بقعد ساعه أستهجا فيها بالعربي :D  "
كنت عمله لينك مع ال fb  لقيت واحد صحبي بيقلي

شخصيتك من عربيتك--- كامله

عنوان المدونه يدي أحساس انك حتخش تلاقي أختبار نفسي

من الاختبارات من نوعية لو بتحب المانجه تبقى شخص مبتكسفش
و لو بتحب الرمان تبقى شخص صبور
إلي أخر ال رغي المبتذل ده


طب العنون بيدل على الموضوع

لا مبيدلش

طب كاتبه ليه :D

عشان عجبني :D


المهم

انا مجال دراستي حاليا و   شغلي  مستقبلا هو الميكانيكا

ف بحب أربط بيه أو اوصل بينه و بين كل حاجه حواليه

سوق العربيات حاليا

فيه الكوري و الياباني و الالماني .. إلخ

لقيت الناس عاملين زي العربيات دي



في ناس شخصيات تلاقيها عامله زي العربية الياباني

منتشره و سعرها كويس و حمارة شغل
و الأهم من كده بتعييييييييييش كتير
و مصاريفها قليله
بس للأسف قدرتها و أمكانيتها محدوده
و لما بتعطل بتكلف
بس لو أحتجتها
مش حتخذلك ابدا




في زي العربيات الألماني 
تقيل و رزين ومالي مركزه كده
أمكانياته عالية
محافظ على منظره  
تحبه من أول تعامل 
و تقع في هواه 
بس للأسف الغلطة بفوره 
و لو عطل فاتوره أصلاحه كبيره 
و مش أي حد يتعامل معاه 
لأن أي تعامل غلط 
حبزعلك أوي أوي أوي 



في بقى زي العربيات الكوري 
سعره متواضع 
بيحاول يجذبك بالأمكانيات 

نيات

حتكلم عن موضوع شاغل دماغي من زمان

أو بالأخص من ساعة ما بدأت أسمع عن العمليات الأنتحاريه ال أنتشرت زي النار في الهشيم

رجعت افكر تاني في الموضوع مع اشتعال احداث الفيلم المسئ للرسول صلى الله عليه وسلم

الفكره واحدة في الاتنين

حسن النية
و سوء الفعل

ف العمليات الانتحاريه بيكون معلهوم غسيل مخ

فبيكون متصور انه كده بيضحي بروحه في سبيل الله و مسواه الجنه

و في رد الفعل على الفيلم المسئ

البيئة ال اتولد فيه تسببت في غسيل مخه ليتصور ان رد الفعل ده هو ال حيرجع حق رسولنا الكريم صلى الله عليه وسلم


الراجل ال أتسبب في مقتل أبرياء بدون سبب

أو في اصابتهم بعاهات مستديمة

ربنا مش بيسامح في حق عباده

اكن ده أيه وضعه

أحترامات - محدث

في حياتنا تناقضات كتيرة
بتأدي لأختلاف معنى احترام وا تقبل تصرفات الناس التانية
حتكلم عن شويه تفضيلات لأحترامي لناس عن ناس

عشان لما اكبر أرجعلها و أشوف تفكيري كان عامل أزاي و انا عندي 20 سنة

و عايزكم تناقشوني لو أختلفتم معايا

معاني الأحترام تختلف من موقف للتاني
الأحترام أقصد بيها أحترام الشخص في الموقف ده مش أحترام الشخصيه ككل


++++++++++++++++++++++++++++

بحترم الدكتور البيسقط
اكتر من ال دكتو ال بيسلقط و يدي أمتيازات

+++++++++++++++++++++++++++
بحترم البنت ال لابسه مايوه "عادي" على البحر
اكتر من البنت المحجبه ال لبست نص كم هناك

++++++++++++++++++++++++++
بحترم الأنسان ال ليه style  الخاص به
اكتر من الماشي على الموضه زي الأمعه

+++++++++++++++++++++++++

بحترم الجايب عربيه صيني بوسائل أمان
اكتر من الجايب عربيه يباني بنفس السعر بدون مواصفات أمان

+++++++++++++++++++++++++

بحترم المبيصليش خالص
أكتر من البيصلي أرضاء للناس بس عشان منظره

+++++++++++++++++++++++++
بحترم الشاب الشغال فرد أمن
و مبحترمش العجوز الشغال فرد أمن

+++++++++++++++++++++++++
بحترم كل أب منع نفسه من متع الدنيا عشان يربي عياله
و محترمش أب خرج بناته من التعليم عشان يجهزوا نفسهم 

++++++++++++++++++++++++++

مبحترمش كل واحد بيقلب فلوس من أبوه
إذا كان بيعمل كده في أكتر واحد بيحبه في الدنيا
امال حيعمل في الناس التانيه أيه

+++++++++++++++++++++++++

مبحترمش و بحتقر كل واحد بوشين
وش من ورا الناش التانيه .. يتكلم عنهم
و وش قدامهم
و الأتنين مختلفين

++++++++++++++++++++++++
مبحترمش الغايه تبرر الوسيله

++++++++++++++++++++++++
مبحترمش أي أب بيعمل البراشيم لابنه
شفتها بعيني

++++++++++++++++++++++++

بحترم بنت بشعرها بملابس محتشمه
أكتر من بنت بحجبها و لبسها الفاضح

+++++++++++++++++++++++
بحترم شاب معاه ليسانس حقوق و شريعة وشغال بواب عشان يصرف على نفسه

+++++++++++++++++++++++

بحترم بياع الجرايد ال بيكسب جنيه في ال 4 جرايد
أكتر من الشحات ال بيخاد أضعافهم في ثانيه

++++++++++++++++++++++


مبحترمش أي أب يفرض على بنته لبس الحجاب

++++++++++++++++++++++

مبحترمش المدرسين البيخادوا مرتباتهم بدون شغل

++++++++++++++++++++++

مبحترمش المعيد ال يسيب الطلبه تغش

+++++++++++++++++++++++
مبحترمش أي واحد شغال و بيكسب فلوس من برنامج متكرك

+++++++++++++++++++++++
مبحترمش أي واحد يعمل أضراب و يقطع الطريق

+++++++++++++++++++++++

مبحترمش أي موظف
يقصر في شغله بحجه ان المرتب قليل

+++++++++++++++++++++++
مبحترمش أي شيخ بيسئ للإسلام و بيعد يزعق

+++++++++++++++++++++++

مبحترمش اي أم محجبه او منتقبه و سحبه في أديها شجره الكريسماس " بنتها "

+++++++++++++++++++++++

بحترم أوي كل أب و أم بيخدوا بالهم من أفعالهم قدام ولادهم

+++++++++++++++++++++++

بحترم أوي عسكري المرور ال بقف ساعات تحت الشمس

+++++++++++++++++++++++

بحترم كل ست أتجوزن و متخنتش و طلعلها كرش :D
lol  ده انا لو مراتي طلعها كرش حطلقها أو أعتبرها واحد صحبي و أتجوز عليها :D

+++++++++++++++++++++++

مبحترمش كل أب مش مقعد طفله على كرسي الأطفال و هو سايق

+++++++++++++++++++++++

بحترم كل واحد بيحط الحزام

+++++++++++++++++++++++

بحترم كل واحد بينام أكثر من 6 ساعات و أقل من 8 ساعات

+++++++++++++++++++++++

بحترم كل واحد بيعمل أي حاجه غير انه يقعد يشيش على القهوه

+++++++++++++++++++++++

مبحترمش كل ست بتسوق و هي جاهله فى السواقه

+++++++++++++++++++++++

بحترم كل واحد ال في قلبه على لسانه

+++++++++++++++++++++++

مبحترمش أي سواق تاكسي يقلك رايح فين :D

+++++++++++++++++++++++

بحترم كل شاب  أو بنت ميتجوزوش غبر لما يكزنزا قادرين عل تكوين عيله

+++++++++++++++++++++++

مبحترمش كل راجل بيخلف و هو مش قادر

+++++++++++++++++++++++

مبحترمش كل واحد بيغش في الأمتحان

+++++++++++++++++++++++

مبحترمش كل واحد بيشرب سجاير

++++++++++++++++++++++

بحترم أوي كل واحد بيحب ينزه نفسه

+++++++++++++++++++++

بحترم كل واحد راضي و مبتسم مهما كان الهموم على راسه

++++++++++++++++++++

مبحترمش كل واحد مركب عيلتة كلها على موتسيكل

++++++++++++++++++++

بحترم كل واحد ممكن يقتنع انه غلط و الحواليه صح

++++++++++++++++++++

بحترم الأفعال أكثر من الكلام

++++++++++++++++++++

بحترم كل واحد فاهم نحو و قواعد



لسه حكمل لما يجي في دماغي تاني :D

خزعبلة النشر

نشرت المدونة :D 

I am happy 

أحلى حاجه فى أنك تكون مش متخصص فى حاجة 

أو مش مُوصم بأتقانك ليها 

و أو مش بتقول انك بتعرف تعملها 

أنك مش مجبر تتقيد بحاجه او بقواعد عشان تحافظ على وصمتك 

 أو شكلك ك كاتب قدام الناس 

تكتب براحتك 

تغلط براحتك 

مش لازم تعجب الناس 

م أنت مش كاتب
و بعترف بكده

الموضع عامل زي البيصور 

طول ما هو بيصور بس 

من حقة يصور أي حاجه و بأي مستوى 

لاكن أول ما يطلق على نفسة لقب مصور 

لازم يلتزم بقيود عشان يحافظ على منظره كمصور قدام نفسه و قدام الناس 

و بناءٍ عليه 

 I am freeeeeeeeeeeeeeeeeeeeeeee :D

ْس=ص .... (ص)+1 = (س)+1 ...... ص س

أية الأسم الغريب دة

محير صح

كان المفترض أكتبة بالحروف الأنجليزية

بس الكيبورد بتاعتي قافشة على العربي


المهم

حتكلم عن العدالة الأجتماعية



تعني مساوة

- قرأت انك لما تجد طعام و شارب و مأوى معناها انك من نصف الكرة الأرضية الأكثر حظا -

مساوة يعني حيتأخد مني و يروح للنص التاني

طب أتكلم عليها لية دة انا الخسران


طب مساوة في أية

الفرص ؟

الفلوس

الفلوس

الفلوس

بيقولك الفلوس متهمنيش

انا أخر حاجة بفكر فيها الفلوس


طب أقلكم

خزعبلة شعرة الغموض

ask.me
 

الموقع ده انتشر مثل النار في الهشيم خلال الفترة الفاتت 

ناس كتير شايفينه هايف 

او مبتذل 

او ملوش لازمة 

حتى كتير سألوني انا مشترك فيه ليه 

الحقيقة ان الموقع ده بالنسبالي كنز 

لكن مش فى الاتجاه الطبيعي 

-ال هو اتجاه انك تعرف اكتر عن الناس ال انت عارفهم " 

لأ في اتجاه تاني خالص 

انك تشوف ردود المثقفين 

المدونين 

الكُتاب 

المشاهير 

و غير مشاهير بس مبدعين 

ليهم افكار و توجهات مختلفة 

قد أختلف معها او اتفق 

و لكن تجمعهم صفة واحدة