نيات

حتكلم عن موضوع شاغل دماغي من زمان

أو بالأخص من ساعة ما بدأت أسمع عن العمليات الأنتحاريه ال أنتشرت زي النار في الهشيم

رجعت افكر تاني في الموضوع مع اشتعال احداث الفيلم المسئ للرسول صلى الله عليه وسلم

الفكره واحدة في الاتنين

حسن النية
و سوء الفعل

ف العمليات الانتحاريه بيكون معلهوم غسيل مخ

فبيكون متصور انه كده بيضحي بروحه في سبيل الله و مسواه الجنه

و في رد الفعل على الفيلم المسئ

البيئة ال اتولد فيه تسببت في غسيل مخه ليتصور ان رد الفعل ده هو ال حيرجع حق رسولنا الكريم صلى الله عليه وسلم


الراجل ال أتسبب في مقتل أبرياء بدون سبب

أو في اصابتهم بعاهات مستديمة

ربنا مش بيسامح في حق عباده

اكن ده أيه وضعه

أحترامات - محدث

في حياتنا تناقضات كتيرة
بتأدي لأختلاف معنى احترام وا تقبل تصرفات الناس التانية
حتكلم عن شويه تفضيلات لأحترامي لناس عن ناس

عشان لما اكبر أرجعلها و أشوف تفكيري كان عامل أزاي و انا عندي 20 سنة

و عايزكم تناقشوني لو أختلفتم معايا

معاني الأحترام تختلف من موقف للتاني
الأحترام أقصد بيها أحترام الشخص في الموقف ده مش أحترام الشخصيه ككل


++++++++++++++++++++++++++++

بحترم الدكتور البيسقط
اكتر من ال دكتو ال بيسلقط و يدي أمتيازات

+++++++++++++++++++++++++++
بحترم البنت ال لابسه مايوه "عادي" على البحر
اكتر من البنت المحجبه ال لبست نص كم هناك

++++++++++++++++++++++++++
بحترم الأنسان ال ليه style  الخاص به
اكتر من الماشي على الموضه زي الأمعه

+++++++++++++++++++++++++

بحترم الجايب عربيه صيني بوسائل أمان
اكتر من الجايب عربيه يباني بنفس السعر بدون مواصفات أمان

+++++++++++++++++++++++++

بحترم المبيصليش خالص
أكتر من البيصلي أرضاء للناس بس عشان منظره

+++++++++++++++++++++++++
بحترم الشاب الشغال فرد أمن
و مبحترمش العجوز الشغال فرد أمن

+++++++++++++++++++++++++
بحترم كل أب منع نفسه من متع الدنيا عشان يربي عياله
و محترمش أب خرج بناته من التعليم عشان يجهزوا نفسهم 

++++++++++++++++++++++++++

مبحترمش كل واحد بيقلب فلوس من أبوه
إذا كان بيعمل كده في أكتر واحد بيحبه في الدنيا
امال حيعمل في الناس التانيه أيه

+++++++++++++++++++++++++

مبحترمش و بحتقر كل واحد بوشين
وش من ورا الناش التانيه .. يتكلم عنهم
و وش قدامهم
و الأتنين مختلفين

++++++++++++++++++++++++
مبحترمش الغايه تبرر الوسيله

++++++++++++++++++++++++
مبحترمش أي أب بيعمل البراشيم لابنه
شفتها بعيني

++++++++++++++++++++++++

بحترم بنت بشعرها بملابس محتشمه
أكتر من بنت بحجبها و لبسها الفاضح

+++++++++++++++++++++++
بحترم شاب معاه ليسانس حقوق و شريعة وشغال بواب عشان يصرف على نفسه

+++++++++++++++++++++++

بحترم بياع الجرايد ال بيكسب جنيه في ال 4 جرايد
أكتر من الشحات ال بيخاد أضعافهم في ثانيه

++++++++++++++++++++++


مبحترمش أي أب يفرض على بنته لبس الحجاب

++++++++++++++++++++++

مبحترمش المدرسين البيخادوا مرتباتهم بدون شغل

++++++++++++++++++++++

مبحترمش المعيد ال يسيب الطلبه تغش

+++++++++++++++++++++++
مبحترمش أي واحد شغال و بيكسب فلوس من برنامج متكرك

+++++++++++++++++++++++
مبحترمش أي واحد يعمل أضراب و يقطع الطريق

+++++++++++++++++++++++

مبحترمش أي موظف
يقصر في شغله بحجه ان المرتب قليل

+++++++++++++++++++++++
مبحترمش أي شيخ بيسئ للإسلام و بيعد يزعق

+++++++++++++++++++++++

مبحترمش اي أم محجبه او منتقبه و سحبه في أديها شجره الكريسماس " بنتها "

+++++++++++++++++++++++

بحترم أوي كل أب و أم بيخدوا بالهم من أفعالهم قدام ولادهم

+++++++++++++++++++++++

بحترم أوي عسكري المرور ال بقف ساعات تحت الشمس

+++++++++++++++++++++++

بحترم كل ست أتجوزن و متخنتش و طلعلها كرش :D
lol  ده انا لو مراتي طلعها كرش حطلقها أو أعتبرها واحد صحبي و أتجوز عليها :D

+++++++++++++++++++++++

مبحترمش كل أب مش مقعد طفله على كرسي الأطفال و هو سايق

+++++++++++++++++++++++

بحترم كل واحد بيحط الحزام

+++++++++++++++++++++++

بحترم كل واحد بينام أكثر من 6 ساعات و أقل من 8 ساعات

+++++++++++++++++++++++

بحترم كل واحد بيعمل أي حاجه غير انه يقعد يشيش على القهوه

+++++++++++++++++++++++

مبحترمش كل ست بتسوق و هي جاهله فى السواقه

+++++++++++++++++++++++

بحترم كل واحد ال في قلبه على لسانه

+++++++++++++++++++++++

مبحترمش أي سواق تاكسي يقلك رايح فين :D

+++++++++++++++++++++++

بحترم كل شاب  أو بنت ميتجوزوش غبر لما يكزنزا قادرين عل تكوين عيله

+++++++++++++++++++++++

مبحترمش كل راجل بيخلف و هو مش قادر

+++++++++++++++++++++++

مبحترمش كل واحد بيغش في الأمتحان

+++++++++++++++++++++++

مبحترمش كل واحد بيشرب سجاير

++++++++++++++++++++++

بحترم أوي كل واحد بيحب ينزه نفسه

+++++++++++++++++++++

بحترم كل واحد راضي و مبتسم مهما كان الهموم على راسه

++++++++++++++++++++

مبحترمش كل واحد مركب عيلتة كلها على موتسيكل

++++++++++++++++++++

بحترم كل واحد ممكن يقتنع انه غلط و الحواليه صح

++++++++++++++++++++

بحترم الأفعال أكثر من الكلام

++++++++++++++++++++

بحترم كل واحد فاهم نحو و قواعد



لسه حكمل لما يجي في دماغي تاني :D

خزعبلة النشر

نشرت المدونة :D 

I am happy 

أحلى حاجه فى أنك تكون مش متخصص فى حاجة 

أو مش مُوصم بأتقانك ليها 

و أو مش بتقول انك بتعرف تعملها 

أنك مش مجبر تتقيد بحاجه او بقواعد عشان تحافظ على وصمتك 

 أو شكلك ك كاتب قدام الناس 

تكتب براحتك 

تغلط براحتك 

مش لازم تعجب الناس 

م أنت مش كاتب
و بعترف بكده

الموضع عامل زي البيصور 

طول ما هو بيصور بس 

من حقة يصور أي حاجه و بأي مستوى 

لاكن أول ما يطلق على نفسة لقب مصور 

لازم يلتزم بقيود عشان يحافظ على منظره كمصور قدام نفسه و قدام الناس 

و بناءٍ عليه 

 I am freeeeeeeeeeeeeeeeeeeeeeee :D

ْس=ص .... (ص)+1 = (س)+1 ...... ص س

أية الأسم الغريب دة

محير صح

كان المفترض أكتبة بالحروف الأنجليزية

بس الكيبورد بتاعتي قافشة على العربي


المهم

حتكلم عن العدالة الأجتماعية



تعني مساوة

- قرأت انك لما تجد طعام و شارب و مأوى معناها انك من نصف الكرة الأرضية الأكثر حظا -

مساوة يعني حيتأخد مني و يروح للنص التاني

طب أتكلم عليها لية دة انا الخسران


طب مساوة في أية

الفرص ؟

الفلوس

الفلوس

الفلوس

بيقولك الفلوس متهمنيش

انا أخر حاجة بفكر فيها الفلوس


طب أقلكم

خزعبلة شعرة الغموض

ask.me
 

الموقع ده انتشر مثل النار في الهشيم خلال الفترة الفاتت 

ناس كتير شايفينه هايف 

او مبتذل 

او ملوش لازمة 

حتى كتير سألوني انا مشترك فيه ليه 

الحقيقة ان الموقع ده بالنسبالي كنز 

لكن مش فى الاتجاه الطبيعي 

-ال هو اتجاه انك تعرف اكتر عن الناس ال انت عارفهم " 

لأ في اتجاه تاني خالص 

انك تشوف ردود المثقفين 

المدونين 

الكُتاب 

المشاهير 

و غير مشاهير بس مبدعين 

ليهم افكار و توجهات مختلفة 

قد أختلف معها او اتفق 

و لكن تجمعهم صفة واحدة

خزعبلة الحب و الأرتباط (2)

تكلمنا فى الجزء الأول عن الحب

قررت ان يكون الجزء الثاني باللغه العامية من باب التغير

اخر حاجة وصلنا ليها

ان طرفين المعادلة بيوصلوا لحالة الحب المطلوبة

ال بتكون متكونة من

حب القلب و اعجاب العقل

و انه من الطبيعي ان يؤدي ده لرغبه فى الأرتباط

المقصود هنا طبعا الأرتباط الرسمي

مصارحة

قراية فاتحة

خطوبة

كتب كتاب

جواز

خلفة

و شويه خناقات لا تفسد للود قضيه :D

عند الوضع البتكلم علية

بيكون ارتباطك ب الشخص البتحبة

غاية و أحتياج فى حد ذاته

و في نفس الوقت وسيلة لتكوين حياة اسرية سعيدة

و جود الحب بيساعد على اكتمالها و سعادة اركنها

ولكن

خزعبلة الأرتباط و الحب (1)

جالي سؤال على ask  أية رأيك في الحب و الأرتباط

حبيت أجاوب عليه هنا و أحطله الإجابة 
أود ان أؤكد فى البداية
ان كل ما يقع تحت إطار المدونة فهو خزعبلات
تحتمل الصواب أو الخطأ و تعبر عن ما يدور في دماغ كاتبها لحظة كتابتها
_____________________________________________



نتكلم أولاً عن الحب
و بعدين نتكلم على المرحلة التابهة لية الأرتباط

----------------------------------------------------

يقولون ان الكلمة تحمل معناها من خلال نية مطلقها و من خلال دلالتها اللغويه 

لكن هذا يحتم ان يكون هناك أتفاق ضمني على هذه الدلالة

فعلى سبيل المثال 

عندما اقول لأحدهم "عايز أكل " 

معروف لكل من ان الأكل يعني اني أريد ان اضع شئ فى معدتي لامنع شعور الجوع 

لكن تقع المشكلة عندما لا يكون هناك اتفاق ضمني على دلالة الكلمة 

غالبا تحدث هذة المشكلة فى الألفاظ المعبرة عن المشاعر 

نتخطى هذة المقدمة 

لنتحدث عن الحب 

"انا حاسس ان انا اسامة منير فى برنامج انا و النجوم و هواك :D "

يقع هذا المصطلح فى نطاق المشكلة التي تحدثنا عنها فى المقدمة 

حيث لا يوجد تعريف معين متعارف عليه له 

فكل كاتب و كل اديب و كل مفكر و كل شخص له تصوره الخاص عنة 

لا يتوجب علينا ان الحب انواع 

هناك حب البلد و حب الماده و حب الأهل و حب الأشخاص و غيرها 

لكن دعنا نتحدث ها هنا عن نوع واحد 

و هو النوع الواقع بين طرفي الأمة 

"اكيد مقصدش المسلمين و المسيحين يعني :D "

أي بين الرجل و المرأه 

نرجع لمشكلتنا 

عدم وضوح الدلالة 

يؤدي إلى سوء الفهم و خلط المعاني 

بمعنى عندما تقول 

انا أحب فلان 

انت تقصد معنى 

و هو يقصد معنى 

و الناس تفهم معنى 

كلاً حسب تصورة 

انا سرحت برة الموضوع 

نرجع للسؤال ال أتسألي 

رأيك فى الحب 

eh "emo a7med shafeek " :D 

إذا كان الأدباء و المفكرين فشلوا في الأتفاق على معنى له 

هل تتوقع مني ان اعطيك واحداً 

لكن فلنقل

خزعبلة misunderstanding --the killer

سوء الفهم
اسوء ما يكن ان يحدث خلال عملية التواصل

هادم الأمم
مدمر العلاقات
مفرق الأزاوج
مفتر المشاعر
مزعزع الأستقرار
مفجر الخلافات
منهي البدايات
مسبب الكراهية
صانع القرار الخاطئ
مسبب أحساس غبي بالأختناق


القاتل

ليس فقط بمعانها المعنوي

بل و أحيانا بمعناها المادي

كما حدث في حادثة خالد بن الوليد و مالك بين نويرة
موقعه شهيره تسببت فى كثير من المشاكل و لاأقاويل بعد ذلك
بسبب كلمة " أدفئوا أسراكم "
يمكنكم قراءة المزيد عنها على الشبكه العنكبوتيه

إذا بحثنا عن أسباب سوء الفهم

نجدها كثيرةً هي