عن الفوضى أتحدث

من عنوان التدوينة واضح أني حتكلم عن أحوال البلد بعد الثورة

بس للأسف ظنك حيخيب :D

حتكلم عن مؤسسة مش فارقه معاها ثورة من غيرها

إنها القاهرة 

المدمرة 

هادمة اللذات

مضيعة اللحظات 

المرور 



و ما أدراك ما المرور
لو جينا بصينا لمصر

الناس حزنت " و لهم الحق " من موت 50 طفل

بس الناس كتير متعرفوش أن معدل الوفيات في مصر
232 فرد لكل 1000 كيلومتر طرق متعديا ب عشرة أضعاف المعدل العالمي :S

لو عايز تعرف السبب روح للمرور


مش حتكلم عن الرشاوي
ولا عن الإتاوات ال بعلم وكيل النيابة
ولا عن الأستغلال
ولا عن الكميوتر المعطل منذ دهر
ولا الوسايط
ولا عن النظام الغير موجود
ولا عن الروتين
و لا على جعل الموظفين
و لا عن تدني لغة الحوار
ولا عن تضيع أيام
مش حتكلم عن كل الحاجات دي


لكن حتكلم عن حاجتين

أمتحان الرخصة
و تجديد رخصة العربية و الفحص 

أعتراف
طلعت الرخصة بدون وسطة و بدون رشوة
و لكن طلعتها و كل مؤهلاتي
السواقة على الأول في الأمتحان


الغايظني أن دة بدون رشوه
أن ده العادي :S

الفحص
البعبع
صورتي الوردية عن الفحص أنة الأختبار ال بيتأكد فية على قدرة السيلة على السير بدون مشاكل

و بناء عليه
غير المساحات .. اللمض .. الفانوس المشبر ... لمعت  و غسلت
على أمل اني أعدي البعبع
و في ضميري أني مش دافع ولا مليم

السلام عليكم
و عليكم السلام
عايز أفحص يا باشا
ماشي هات العربية

لسه حقف
قالي خلاص أركن

مبروك
خش أمضي من الظابط

و بس

جوه لقيت واحد بيقول للظابط الزجاج مكسور و عايز أرخص
" قلت في نفسي ... عبيط ده "
الظابط قاله حتغيرة
قاله أكيد يا باشا
قام الظابط ماضي


عمرك شفت سفالة و أستهتار بأرواح الناس أكتر من كده

يعني ممكن أكون مبعرفش أسوق على 30 و أطلع رخصة

ممكن تكون عربيتي من غير لمض و بتدخن و كاوتشها بايظ و أرخص

حسبي الله و نعم الوكيل

و يستمر نزيف الإسفلت