بتأدي لأختلاف معنى احترام وا تقبل تصرفات الناس التانية
حتكلم عن شويه تفضيلات لأحترامي لناس عن ناس
عشان لما اكبر أرجعلها و أشوف تفكيري كان عامل أزاي و انا عندي 20 سنة
و عايزكم تناقشوني لو أختلفتم معايا
معاني الأحترام تختلف من موقف للتاني
الأحترام أقصد بيها أحترام الشخص في الموقف ده مش أحترام الشخصيه ككل
++++++++++++++++++++++++++++
بحترم الدكتور البيسقط
اكتر من ال دكتو ال بيسلقط و يدي أمتيازات
+++++++++++++++++++++++++++
بحترم البنت ال لابسه مايوه "عادي" على البحر
اكتر من البنت المحجبه ال لبست نص كم هناك
++++++++++++++++++++++++++
بحترم الأنسان ال ليه style الخاص به
اكتر من الماشي على الموضه زي الأمعه
+++++++++++++++++++++++++
بحترم الجايب عربيه صيني بوسائل أمان
اكتر من الجايب عربيه يباني بنفس السعر بدون مواصفات أمان
+++++++++++++++++++++++++
بحترم المبيصليش خالص
أكتر من البيصلي أرضاء للناس بس عشان منظره
+++++++++++++++++++++++++
بحترم الشاب الشغال فرد أمن
و مبحترمش العجوز الشغال فرد أمن
+++++++++++++++++++++++++
بحترم كل أب منع نفسه من متع الدنيا عشان يربي عياله
و محترمش أب خرج بناته من التعليم عشان يجهزوا نفسهم
++++++++++++++++++++++++++
مبحترمش كل واحد بيقلب فلوس من أبوه
إذا كان بيعمل كده في أكتر واحد بيحبه في الدنيا
امال حيعمل في الناس التانيه أيه
+++++++++++++++++++++++++
مبحترمش و بحتقر كل واحد بوشين
وش من ورا الناش التانيه .. يتكلم عنهم
و وش قدامهم
و الأتنين مختلفين
++++++++++++++++++++++++
مبحترمش الغايه تبرر الوسيله
++++++++++++++++++++++++
مبحترمش أي أب بيعمل البراشيم لابنه
شفتها بعيني
++++++++++++++++++++++++
بحترم بنت بشعرها بملابس محتشمه
أكتر من بنت بحجبها و لبسها الفاضح
+++++++++++++++++++++++
بحترم شاب معاه ليسانس حقوق و شريعة وشغال بواب عشان يصرف على نفسه
+++++++++++++++++++++++
بحترم بياع الجرايد ال بيكسب جنيه في ال 4 جرايد
أكتر من الشحات ال بيخاد أضعافهم في ثانيه
++++++++++++++++++++++
مبحترمش أي أب يفرض على بنته لبس الحجاب
++++++++++++++++++++++
مبحترمش المدرسين البيخادوا مرتباتهم بدون شغل
++++++++++++++++++++++
مبحترمش المعيد ال يسيب الطلبه تغش
+++++++++++++++++++++++
مبحترمش أي واحد شغال و بيكسب فلوس من برنامج متكرك
+++++++++++++++++++++++
مبحترمش أي واحد يعمل أضراب و يقطع الطريق
+++++++++++++++++++++++
مبحترمش أي موظف
يقصر في شغله بحجه ان المرتب قليل
+++++++++++++++++++++++
مبحترمش أي شيخ بيسئ للإسلام و بيعد يزعق
+++++++++++++++++++++++
مبحترمش اي أم محجبه او منتقبه و سحبه في أديها شجره الكريسماس " بنتها "
+++++++++++++++++++++++
بحترم أوي كل أب و أم بيخدوا بالهم من أفعالهم قدام ولادهم
+++++++++++++++++++++++
بحترم أوي عسكري المرور ال بقف ساعات تحت الشمس
+++++++++++++++++++++++
بحترم كل ست أتجوزن و متخنتش و طلعلها كرش :D
lol ده انا لو مراتي طلعها كرش حطلقها أو أعتبرها واحد صحبي و أتجوز عليها :D
+++++++++++++++++++++++
مبحترمش كل أب مش مقعد طفله على كرسي الأطفال و هو سايق
+++++++++++++++++++++++
بحترم كل واحد بيحط الحزام
+++++++++++++++++++++++
بحترم كل واحد بينام أكثر من 6 ساعات و أقل من 8 ساعات
+++++++++++++++++++++++
بحترم كل واحد بيعمل أي حاجه غير انه يقعد يشيش على القهوه
+++++++++++++++++++++++
مبحترمش كل ست بتسوق و هي جاهله فى السواقه
+++++++++++++++++++++++
بحترم كل واحد ال في قلبه على لسانه
+++++++++++++++++++++++
مبحترمش أي سواق تاكسي يقلك رايح فين :D
+++++++++++++++++++++++
بحترم كل شاب أو بنت ميتجوزوش غبر لما يكزنزا قادرين عل تكوين عيله
+++++++++++++++++++++++
مبحترمش كل راجل بيخلف و هو مش قادر
+++++++++++++++++++++++
مبحترمش كل واحد بيغش في الأمتحان
+++++++++++++++++++++++
مبحترمش كل واحد بيشرب سجاير
++++++++++++++++++++++
بحترم أوي كل واحد بيحب ينزه نفسه
+++++++++++++++++++++
بحترم كل واحد راضي و مبتسم مهما كان الهموم على راسه
++++++++++++++++++++
مبحترمش كل واحد مركب عيلتة كلها على موتسيكل
++++++++++++++++++++
بحترم كل واحد ممكن يقتنع انه غلط و الحواليه صح
++++++++++++++++++++
بحترم الأفعال أكثر من الكلام
++++++++++++++++++++
بحترم كل واحد فاهم نحو و قواعد
لسه حكمل لما يجي في دماغي تاني :D
مبحترمش أي أب يفرض على بنته لبس الحجاب
ردحذفأعترض و بشدة
أنا شايف ان فرض الحجاب هو السبب في ال أحنا فيه النهارده
ردحذفالحجاب اصبح عاده و مش عباده
نسبه كبيره من البنات محجبات بمجرد غطاء على الرأس
الحجاب يأتي عن اقتناع
الأب مهم عمل مش حيقدر يحكم كل أفعال بنته لو هي مش مقتنعه بالأمر
مما يؤدي اخلق جيل من المنافقين
بحترم كل أب يقنع بنته بلبس الحجاب
نفسي لنتي تيجي تقولي
باب انا عايزه اتحجب
قال الإمام محمد العزالي
" الأكراه على الفضيله لا بصنع الأنسان الفاضل ، كما ان الأكراه على الأيمان لا يصنع الإنسان المؤمن ؛ فالحرية اانفسية والعقلية أساس المسئولية "
في انتظار ردك
الأول قولى .. كلمة الإشتراك عبر الإيميل دى جبتها منين ؟! D :D
ردحذفهى دى اللى كنت عايزة أعملها عندى
وجهه نظرى أن الحجاب فرض زى الصلاة
و زى ما الأب لازم يوجهه أولاده للصلاة فى سن 7 و يضربهم على تركها لسن 10
زى ما لازم يلزم بنته بالحجاب
كون البنت لبست مجرد طرحه على شعرها مش حجاب بالمعنى الشرعى الصحيح .. دا عيب الأب و خطأه برضه إنه مش ملم بعقيدته و لما فرضه عليها إهتم بالمنظر و نظرة المجتمع أكتر من رضا ربنا الحقيقى
و يؤخذ فى الإعتبار إن الأب محاسب على ترك بنته للفريضة .. يعنى كل مرة بتخرج بشعرها بيكون ذنب عليه
و أهم ما فى الأمر
انه لو قام بإنباتها نباتا حسنا على الدين القويم .. و لم يتركها فى بيئه تؤثر سلبا على تفكيرها .. لم يكن ليقع أبداً فى مثل هذا الموقف
بس كدا :)
مش عارف :D كنت بلعب في الاعدادات
حذفسبب عدم أحترامي ليه انه خد الطريق السهل
و هو الفرض و ليس الإقناع
اب وصل لنته لمرحله انه بفرض عليه الحجاب دون رغبتها
ده يستاهل الأحترام ؟
فين وجه الاعتراض بقه ؟ :D
و ال انا متأكد منه لو البنت لبس الحجاب غصب عنها
حتكون بئس المثال للبنت المحجبه
ولكي فيما حدث في أيران عظه وعبره
انا عندي البنت تتأخر شويه في لبس الحجاب بس تلبسه عن اقتناع أحسب ما بتغصب عليها
بس ده ميمنعش اني مبحترمش كيس الجوافه ال بيخلي بنته تنزل من البيت بمنظر لا يصح
رأي :) الحجاب مش طرحه على بنطلون الحجاب حجب > المنظر اللي لا يصح < زي ما علا وضحت فأنا صراحه احترم الرجل اللي يفرض الحجاب على البنت > الحجاب اللي موضح معناه < عشان بنته مش تخرج بالمنظر الذي لا يصح :) كنت اتمنى من حضرتك توضح كنت ممكن تقول > مش بحترم الرجل اللي ينزل بنته بمنظر لا يصح على طرحه < كده مش هيكون حجاب ... واحترم الراجل اللي اسس بنته على ان اي حاجه ربنافرضها علينا نعمل بيها واحنا واثقين انها هو ده الصح ويفهما هو ليه اتفرض ... زي ما حضرتك قولت > الاقناع <
حذفبحترم الدكتور البيسقط
ردحذفاكتر من ال دكتو ال بسلقط و يدي أمتيازات
ممكن توضيح اكتر؟
بيسلقط جي من بيطلسء :D
حذفيعن الدكتور البينجزلك المنهج في ماحضرتين و يديك امتياز
اه طيب كدا انا فهمت صح :)
حذف( بحترم الانسان ال ليه style الخاص به
ردحذفاكتر من الماشي على الموضه زي الأمعه )
صح جدا .. أنا رأيي فعلا أن الموضة هي الحاجة اللي تناسبني وتليق عليا ، حتى ولو كان ذوقها من ذوق الستينات
:-)
تحيتي
للأسف الموضه طغت على التميز
حذفبقا كل الناس شبه بعض
فعلا لازم كل واحد يختار اليليق عليه :)
نورتي المدونه
و شاكر جدا لمرورك :)
بحترم البنت ال لابسه مايوه "عادي" على البحر
ردحذفاكتر من البنت المحجبه ال لبست نص كم هناك
أعتقد أن ليس فى أمرهن ما يدعو إلى الإحترام .. إذا كانت دى ولا دى ..
كل أنسان في الدنيا ك كائن بشري يستحق قدر من الاحترام
حذفطالما مدخلش في حاجه تخلينا نعتبره مش إنسان " زي بشار كده "
لكن مينفعش ألغي كامل أحترامي للأنسان ككل لمجرد انه لبس مايوه
مش حختصر الأنسان في مايوه
انا حشوف موقف المايوه ده بيدل على تفكيره
ممكن احترامي يقل ليه
الأمر نسبي
قد يكون قدر قليليل من الأحترام لكنه يزيد عن أحترامي للجزيء التاني من الجمله
بالنسبه للسبب
في class مةجود في مجتمعنا
بيتولد و يعيش في حياه تانيه غير حياتنا
هو اتولد لقى أهله بيلبسوا كده
دخل المدرسه الدوليه لقى اصحابه بيلبسوا كده
دخل الجامعه الخاصه لقى أصحابه كده
اتجوزت لقت قرايبها كده
بقى في ذهنها ان ده العادي
انا نازله البحر .. يبقى حلبس مايوه
هي مش عارفه ان ده الغلط
جايز تكون كشخصيه كويسه جدا جدا وم حتاجه ال يوعيها بس
مع الاخذ في العتبار انها غلطانه طبعا انها مدورتش
و جايز تكون مش مسلمه اصلا
انما الجزء التاني
غالبا بيكون مولود في بيئه كلها محجبات و ملتزمين
بس
تعتبر شخصيه منافقه لنفسها
هي عارفه ان ده غلط
بس ماشيه بمبدء
البلد الملكش حد فيها اعمل العايزه فيها
ف مستهلش نفس القدر من الأحترام الموجود للطرف الأولاني
البيعمل مصيبه وهو مش عارف أرحم من البيعملها وهو عارف
أعتقد أن ليس فى أمرهن ما يدعو إلى الإحترام ..
حذفأمرهن = موقفهن
انا معرفش الشخصية عشان أفهمها ككل أو كجزء ..أنا لا يعنينى إلا الموقف هنا
بالنسبة للجزء التانى من تعليقك
" لم يكن الله ليحاسبنا على أمور لا نملكها "
هى مش عايشة فى قلعة معزوله أو برج عاجى .. و أى إنسان فى الدنيا عنده قدر من العقل و التمييز اللى بخيلىه فى حالة مسؤلية عن تصرفاته
لو أخذناه الأحترام كمعيار من صفر
حذفأكيد ال لابسه مايوه عادي كتأخد درجه أكتر من اللابسه مايوه بكيني و اللابسه مايوه حتأخد أكتر من مسترتش عورتها أصلا
و كذللك حتاخد درجه اكتر من اللبست نص كم و محجبه
و أن كانت الردجه لا ترقى لاطلاق كلمه انا أحترمها في المجمل
عشان منختلفش
اما عدم أحترامي للبنت الحجبه ال البسه نص كم في مارينا
اكتر من عدم أحترامي للينت اللابسه مايوه
تمام كده ؟ :)
ملحوظه بس أنا أقصد هنا الاحترام على الموقف بس
لكل إنسان منطق مختلف
حذفبالنسبة لى الإحترام لا يجزء
يا آه يا لأ .. يا أبيض يا إسود
و أنا هنا بردوا بتكلم عن إحترام المواقف :)
الموضوع في أقوال كتير
حذفو معتقدش سئ في الدنيا يا أبيض يا أسود
يعني 2 واحده لسه لبس خليع و التانيه لابسه لبس يحتاج لاعداه النظر
واحد بيشرب سجاير و واحد بيشرب حشيش
مقدرش احط الاتنين في نفس الكفه " كفة الأسود "
يبقى ظلم
عموما هي وجهات نظر
شكرا على مرورك :)
بحترم شاب معاه ليسانس حقوق و شريعة وشغال بواب عشان يصرف على نفسه ...
ردحذفبحترم بياع الجرايد ال بيكسب جنيه في ال 4 جرايد
أكتر من الشحات ال بيخاد أضعافهم في ثانيه
مبحترمش المدرسين البيخادوا مرتباتهم بدون شغل
مبحترمش أي موظف يقصر في شغله بحجه ان المرتب قليل
اوافق حضرتك جداً في تلك المواقف
+++++++++++++++++++++++
مبحترمش أي شيخ بيسئ للإسلام و بيعد يزعق
انا مش بحترم ايضاً الشيخ اللي بيزعق
بس اعتقد ان الاسلام مش اشحاص ,الاسلام ليه كتاب > القرآن< وسنه > تكمل وتوضح باقي منهج الاسلام < وهناك بعض العلماء اللي متبعين تعاليم الاسلام دول اللي اثق فيهم عشان لو مثلاً حد قالي > ماانتي بتروحي لشيخ لما تسألي عن حكم او شئ من هذا القبيل والشيخ ده ما هو بيزعق > انا ازاي اثق في واحد مش متبع تعاليم دينه ووصايا الرسول واروح اسأله في حكم في الشرع او اي شئ آخر !< يعني الشيخ اللي بيزعق او اي شئ آخر مش بيسئ للاسلام هو الاساءه في الاول وفي الآخر راجعه ليه هو فكنت اتمنى انها تكون > مبحترمش الشيخ اللي بيزعق و بيعطى للناس اجوبه او استفسارات في احكام الشرع وهو مش متبع اللي بيقوله < .. وجهة نظري :)
اشخاص :)
حذفأتفق معاكي جدا
حذففاقد الشئ لا يعطيه :)
@gelan
ردحذفبصي هو في كل الأحوال مبحترمش الراجل ال ينزل بنته بمنظر ميرضهوش من البيت
اما لمعنى كلمه حجاب
الحجاب عندنا ارتبط بمشكل الطرحه
بفكرة تغطية الشعر
مع اعتراضي على المعنى ده
بس المعنى ده هو المنتشر
اتحجبتي = لبستي طرحه
بيتبع المعنى ده تغير في طرقة اللبس ككل + تغير في التصرفات
و إلا مش حيكون ليه لازمه
الفكره
انا مبحترمش
الراجل ال وصل لمرحلة انه بضطر لفرض " بمعنى أجبار" بنته على الحجاب
ولا بحترم ده و لا بحترم ال حيسيب بنته تنزل بمنظر لا يصح
و مازلت عند وجهة نظري
فرض الحجاب على البنت غصب عنها حيخلق شخصيه منافقه
مش حتتعرف تتحكم في تصرفاتها كلها
يا فرحتي بطرحه بدون تصرفات متسيئش ليها
بأختصار مبحترمش غير الراجل ال يزرع التدين في بنته لدرجه انها تكون عايز تتحجب عن أقتناع تام
أما ال يجبر
او ال بسيبها بمنظر ميرضيش ربنا
دول مبحترمهومش
دي وجهة نظري في الفتره الحاليه :)
احترمها :) بس ممكن نخليها البنت اللي لابسه الطرحه من غير لازمه بدل الحجاب يفضل يعني :)
ردحذفيا فرحتي بطرحه بدون تصرفات متسيئش ليها !
حذفمعلش مش فهماها ...
حتى لو خلالها لبسه طرحة و ولبس كويس
حذفجتكون مجبره على اللبس ده
و بناءٍ عليه
في أقرب فرصه يتشال فيها الأجبار
جتقلعه و حتيقى أوحش من الأول
" حتشوفي ده في الطيارات الطالعه من الدول ال حجاب او النقاب فيه مفروض "
+ تصرفتها حتكون بتسئ للمظهر الملتزم ال هي عليه
"يا فرحتي بطرحه بدون تصرفات متسيئش ليها ! "
قصدي ان انا مفروض مفرحش
ب الطرحه بس
لكن لازم يتبعا تصرفات لا تتسبب بالأساءه للمظهر الملتزم ال هي عليه
زي ال بييين و يربي دقنه لازم تون تصرفاته متسيئش لل دقن دي
معرفش ! بس ممكن عشان انا بكلم من وجهة نظري مش متصوره ان البنت اللي لابسه > حجاب < ومثلاً في الاول كانت مجبره من والدها وبعدين اعدت سنين بيه لما يتشال من عليها الاجبار وتفكر تقلع الحجاب زي ما حضرتك قلت هتحس ان فيه حاجه فعلاً نقصاها او مثلاً لو والدها اجبرها مش هتسأل ليه يا بابا انت اجبرتيني ان البسه او مثلاً مش هتفكر لبسته ليه !! مش ده ممكن يولد الإقناع عندها ده لو فِكر الوالد وصله انه يجبرها عليه ! واتفق مع حضرتك في الاقناع واتفق بردوو مع اللي احتمال انه يجبر بنته على اللبس المحترم والحجاب عشان مش تخرج بمنظر مش لطيف ده لو مش نفع معاها الاقناع لأن بردو فيه اوقات من السن بتاخدك في تيار فكر هوائي يعني > تعمل اللي هي عايزاه < واظن ان فيه ناس في السن ده مش بيقتنعوا بحاجه ابداً الا اللي على هواهم بس فلا تجيب الاساءه لنفسها ولا لاهلها > وده بيكون في اوقات من العمر < وبردو > مش كله كده <
حذفومعنى كده اني مش بحب الاقناع في الشئ اللي هتعمله بيه :)
للأسف من نماذج واقعيه شوفتها
حذفده بيحصل
فشلت التجربة الأيرنبيه في فرض الحجاب " أدت لكره الحجاب و الدين عموما " و فشلت التجربه السعوديه في فرض النقاب وجابت نتيجه عكسيه
صعب تقتنع بسئ أجيرت عليه
طبيعة النفس البشريه
حكرر كلمة
الإمام محمد العزالي
" الأكراه على الفضيله لا بصنع الأنسان الفاضل ، كما ان الأكراه على الأيمان لا يصنع الإنسان المؤمن ؛ فالحرية اانفسية والعقلية أساس المسئولية "
بس و ليه نوصل لمرحلة الأجبار أصلا
الحل في رأي في التربيه الدينيه السليمه
تحياتي :)
lol ده انا لو مراتي طلعها كرش حطلقها أو أعتبرها واحد صحبي و أتجوز عليها :D
ردحذفلية السطحية دى ؟؟؟؟؟
أعتقد باين ان لتصرف مكتوب بهذار و فيه مبالغه
حذفأكيد مش حطلقها أو أتجوز عليها
بس انا معترض على فكرة وجود أنثى بكرش :D
على كدا اللى هتحبها دى لازم تكون ملكة جمال بقى ؟؟؟؟؟؟
حذفعموما لو حضرتك بكرش او حصل دى فى المستقبل هيبقى موقفك وحش اوى
مش شرط
حذفمش لازم الأنثى تكون ملكة جمال
بس مينفعش تكون بكرش
عمرك شوفت أنثى بكرش ؟ :D
المقصود بالفكره
موضوع اني بحترم الستات البتهتم بنفسها بعد الجواز و مبتضربش
و بعدين الراجل من غير كرش زي البيت من غير عفش :D
كان فيه بوست عجبني اووي بمناسبة ان السيدات اللي بتتخن بعد الزواج :) والراجل اللي بيطلعلوا كِرش :)
حذفان السيدات فده بوابة عبور لحياة اشخاص هما جيل للأمم اما الراجل فهو مركز لتخزين الطعام فيه بس :)
شوفتوه قبل كده
حذفبس مش مبرر
ما الاجانب ما شاء الله عليهم
وعنهمش الحاجات دي :D
الاجانب بيلاقوو اللي يشجعهم يعني مثلاً فيه واحد لقى مراته تختخت شويه حجزلها في جيم وبيتصل بيها كل ما يجي معاده يقولها > يلا على الجيم < كان السبب الاول مش عشان مش عاجبه شكلها وهي تختوخه لأ كان السبب الاول عشان صحتها هنا تختلف اووووي :)
حذفإن شاء الفكر المتحضر ده ينتشر في مصر :)
حذفيبقى منساويش المصريه بالاجنبيه ونقول عنهمش الحاجات دي :D
حذفنلتمس العذر ليها زي ما بنلتمس للراجل في الاحترامات كده :)
أكيد طبعا لازم نلتمس العذر لكل الناس
حذف:)
فى بقه اب بيعمل برشام لاولاده ... ايييه الحلاوة دى
ردحذفوانا متفقه معاك جدااا قى موضوع الحجاب لان اليومين دول الحجاب بقه واجب اجتماعى وليس واجب دينى واكيد كلنا حوالينا بنات اتغصبوا على الحجاب واول لما بتيجى فرصه تخلعه بتخلعه و مثال اكبر فى بعض دول الخليج زى ما انت قولت عشان مينفعش ابقى متغطية من بره وعريانة من جوة لازم اكون مقتنعة داخليا بالحجاب .
للأسف أه
حذفو بشوفها كتير في مكاتب التصوير
أخيراً حد نصرني :D
" عشان مينفعش ابقى متغطية من بره وعريانة من جوة لازم اكون مقتنعة داخليا بالحجاب ."
عندك حق :)
رامى احييييييييييك جدا على الكلام دة اة هو ممكن يحصل لبس لبعض المواقف اللى يقراها بس انا وصلى اصدك انت بتحترم اللى بيعمل الحاجة عن اقتناع حتى لو غلط المهم انة ميكنش عارف الصح ومصر على الغلط افضل من اللى عارف الصح وبيعملة كعادة او عشان الناس وهو مايع بيمسك العصاية من النص ... :-)
ردحذف"او عشان الناس "
حذفده ال اقصده
ال بيسموه رياء
ان الواحد بينافق في دينه
و منوره المدونه يا امنيه
شاكر جدا لمرورك :)
العفو هى تستحق القراية
ردحذفربنا يكرمك انت وبلال وتبقى كتاب جامدين جدااااا ان شاء الله :))))
الله يخليكي
حذفيا رب :)
> مبحترمش كل راجل بيخلف و هو مش قادر < هضيف تحديد > كل راجل وست يخلفوا مش قادر من حيث انه يربي ومش قادر من حيث انه يعيشهم عيشه حلوه <
ردحذف> كان نفسي انزل اولع في واحده >< مُهتما بنفسها اوووي واطفالها لأ وكمان بتزعق فيهم وهم لسه صغيرين ولد صغير وشايل اخته النونه وديه جايه تزعق للبنوته النونو عشان بتعيط وتزعق للولد الصغير عشان جايبهلها! وتقوله روح اقعد في العربيه يلا وعماله ترغي مع صحبتها!احساس انك نفسك تاخد الاطفال وتخنق مامتهم ديه <
> بحترم كل شاب أو بنت ميتجوزوش غبر لما يكونوا قادرين عل تكوين عيله <
اتفق مع حضرتك جداً عشان على الاقل مفيش اطفال طالعين بحاله نفسيه من المواقف اللي بنشوفها ديه
ربنا يهيدهم
ردحذفو يسامحهم على ال بيعملوه في أولادهم
شكرا لمروروك ")
مبحترمش أي سواق تاكسي يقلك رايح فين :D
ردحذفحركة سيئة .. بس ربما ليه العذر إنه مروح و مش هيوصلك إلا لو قريب منه عشان ميبعدش عن بيته .. إحتمال وارد بردو
مبحترمش كل واحد بيغش في الأمتحان
أتفق و بشدة
لو قرر انه ينهي الورديه
حذفخلاص ميقفش و المفورض يقفل اللمبه ال مكتوب عليها تاكسي " ال هي أصلا مش موجوده "
إنما يرفض توصيلك دي عليها غرامه 1500 جنيه في القانون
دي وجهة نظري :)