شخصيتك من عربيتك--- كامله

عنوان المدونه يدي أحساس انك حتخش تلاقي أختبار نفسي

من الاختبارات من نوعية لو بتحب المانجه تبقى شخص مبتكسفش
و لو بتحب الرمان تبقى شخص صبور
إلي أخر ال رغي المبتذل ده


طب العنون بيدل على الموضوع

لا مبيدلش

طب كاتبه ليه :D

عشان عجبني :D


المهم

انا مجال دراستي حاليا و   شغلي  مستقبلا هو الميكانيكا

ف بحب أربط بيه أو اوصل بينه و بين كل حاجه حواليه

سوق العربيات حاليا

فيه الكوري و الياباني و الالماني .. إلخ

لقيت الناس عاملين زي العربيات دي



في ناس شخصيات تلاقيها عامله زي العربية الياباني

منتشره و سعرها كويس و حمارة شغل
و الأهم من كده بتعييييييييييش كتير
و مصاريفها قليله
بس للأسف قدرتها و أمكانيتها محدوده
و لما بتعطل بتكلف
بس لو أحتجتها
مش حتخذلك ابدا




في زي العربيات الألماني 
تقيل و رزين ومالي مركزه كده
أمكانياته عالية
محافظ على منظره  
تحبه من أول تعامل 
و تقع في هواه 
بس للأسف الغلطة بفوره 
و لو عطل فاتوره أصلاحه كبيره 
و مش أي حد يتعامل معاه 
لأن أي تعامل غلط 
حبزعلك أوي أوي أوي 



في بقى زي العربيات الكوري 
سعره متواضع 
بيحاول يجذبك بالأمكانيات 


كل شويه بيبهرك بشكل جديد 
لكن غالبا بيطلع شكل أكتر من فعل 
لما يعطل سهل تصلحه 
و موجود كتير 
ما أكثر السيراتو النبيتي 
ملت البلد :D 


ندور تاني و نلاقي 
ال شبه العربيات الأمريكي 
العضلات الأمريكيه 
حجم كبير 
مليان افتكاسات و اختراعات 
بس للأسف مش عملي 
بياخد كتير 
وصوته عالي 
لكن الناتج مش قد كده 
بس برضه ليه رونقه 


نخش على الأيطالي 
الشياكه الاناقه 
الجمال 
الأمكانيات العاليه 
المحركات العصبيه 
ردود فعلها عنيفه 
هديرها ممتع 
بس لو زعلتها او فكرت تلعب معاها حتزعل أوي 
وحتزعلك اكتر 


تلاقي ناس زي الصيني 
أماكنيات كتير 
فيه منه كتير 
رخيص 
بس 
مبيعمرش 

و نختم باصحاب العطر الفريد 
الفرنسيون 
و سيارتهم الساحره 
المدمجه 
كمايتها كتير 
قدراتها عاليه 
متقنه جدا جدا 
و لكن للاسف معقده 
و مش أي حد يتعامل معاها 
و محتاجه صيانه او بأول 


و تستمر أنواع السيارات 
و الشخصيات :D