من فترة كنت بعمل عرض عن نظرية ال فراشة
butterfly effect لو حد حب يعرف عنها أكتر
وا نا بدور على المحتوي " ال اخدته من واحد صحبي في النهاية :D "
لفت نظري جمله لغاندي
Be The Change you wish to see in this world
كن انت التغير الذي تريده
قررت اني أي حاجه مش عجباني
أحاول أبدء فيها بنفسي
ال يعرفني حيعرف ان رسالتي في الحياة
رفع الكفاءه
عن طريق التقليل من الطاقه المهدره
لأن لو اتمنعت الطاقات المهدره من العلم ده كافي انه يعيش البشريه في رخاء
المهم
قلت حبدء بنفسي و لما أفكر أدور على عربية حدور على واحده هاتشبالك صغيره تناسب أحتيجاتي "مش لاقي :S "
حشيل الشواحن من الفيش
حفتح الشباك و أقفل التكيف
حظبت موتور عربيتي عشان مييزودش أستهلاك البنزين
حركب مواصلات عامة او كذا واحد في التاكسي
أغير لمض البيت للمض موفره
حمشي المشاوير القريبه
أخد بالي من تصنيف أستهلاك الكهرباء لأي جهاز أشتريه
بقتنع والدي نركب سخان شمسي :D
إلخ
لحد ما لقيت ابن جارنا الجديد
معاه أختراع كنت بستعمله زمان و عندي واحد منه
عجلة 0.0
صديقة الطفولة
ياما قديت بيها مشاوير
كدة لقيت الحل
اركب عجله
اركن عربيتي و أبطل تاكسيات
اروح بيها مشاويري القريبة
+ استعيد بيها لياقتي المفقودة
الفكرة نعششت في دماغي بطريقة غريبة
و بما ان خير البر عاجله
القيت نظرة على صديقة الطفوله زميلة الكفاح
نظرت لي مبتسمه
عليها تراب و عايزة طقم كاوتشات و تشحيم
لكنها مازالت مبتسمه
تعدني بالكثير
جهزت نفسي معنويا للردود ال ممكن أسمعها
أكيد مش حتأثر فيا لأني صاحب فكره
و مقتنع بيها
و لكن
من ساعات ما الموضوع بدء يدور في دماغي
ظهر اصبح العجل و راكبيه محل أهتمامي و تركيزي
بدأت أخد بالي ان مفيش حد لابس خوزه
ان مفيش طرق ليهم
ان أحترامهم مفقود من السائقين والماره
ان حوادثهم قاتله أو مصيبه
انك قد تصبح في خبر كان نتيجة قائد سيارة لا يعباء بوجودك
و ملكش ديه
لأ يا عم أن صاحب فكره أه لكن مش مستغني عن حياتي او جسمي
و عمليا تكلفة علاجي لو أتصبت حتكون أكتر من التوفير الوفرته في الطاقه طول ما
انا راكب عجلة
و الطاقة المفقوده من موتي او أصابتي بعاهه أكبر برده من الطاقه المُوفره
و بناء عليه
الفكرة معلقة
حتى يجد جديد
و نصبح في مجتمع داعم للعجل
حلم بعيد
مش صعب المنال
:)
هات عجلة ... و اشتريلها خوذة ...و نفس المعاناة الي بتعانيها من السواقين و انت بتسوق عربية هتعانيها و انت بتسوق عجلة :D
ردحذفتوكل على الله و اتعامل و الله فكرة جامدة جداا و نفسي انفذها من زمان بس لمااخس :D
المشكلة لما تكون ماشي في أمان الله
حذفحتلاقي حد بيخبطك من ورراك او قدامك
يرميك تحت عربيه
او تحتيه
و انت لا ليك ولا عليك
ولا خوذه حتنفعك ولا أنكل
بس ده ميمنعش ان الفكره لسه في دماغي :D
حلوة يا رامى
ردحذفكنت بفكر فى نفس الفكرة من فترة بنفس منطقك
تسلم :)
حذفتمام
عشان نعمل مجتمع العجل :D
هو بصراحة من أفضل الأفلام اللي شفتها بتتكلم عن تأثير الفراشة : Mr. Nobody
ردحذف:))
بالنسبة للعجلة .. متفق معاك على معظم العقبات اللي ممكن تواجه راكبو الدراجات
:))
خالص تحياتي
الفيلم ده واخد تقيمات عالية اوي
حذفحتفرج عليه إن شاء الله
نورت المدونه
شكر على مرورك يا باشا :)
بس انا بشوف قائدى الدرجات كتير
ردحذفأول مرة أحس إن الموضوع خطر كدا
احسن .. انا اصلا مش بعرف أركب عجل :D
تغيير العالم نابع من تغيير ذاتك
و دى حاجة فى ديينا .. المهم يكون التغير للأحسن
انك تكون ماشي على حاجه ب عجلتين معندهاش على القدرة على التسارع
حذفو ماشي حواليك ناس على حاجات ب أربع عجلات بقدره على عاليه جدا عىل التسارع و هم غير عابئين بوجودك
ده خطر في حد ذاته :S
أكيد لازم يكون للأحسن
شكرا على مرورك يا علا :)
بقتنع والدي نركب سخان شمسي :D
ردحذفوربنا الراجل دا صعبان عليا
دا انا بقول 9 سنين كفاية عليك وهو ما شاء الله بقاله 20 سنة
دا كان زمانه خرج حسن سير وسلوك
انت بتتريق
حذفطب صدقني السخان الشمسي أختراع عظيم
و بابا خلاص أدبس فيا :D
نورت يا عبده
هو انا او مره اسمع عن النظريه صراحه :) بس لما قلت فراشه و تغير ربطت في دماغي ان الفراشه ليها حريه مطلقه وبتطير على الرغم انها قابله انها تموت لو فيه رياح جامده او زي عندنا كده المصريين بيمسكوها بطريقه رهيبه من جناحتها عشان يشفوها :) وعلى الرغم من كده الفراشه بتطير لأنها بتحب الطيران وبتطير في اي مكان عايزاه بحريتها المطلقه ..
ردحذفوكمان افتكرت كلمة الدكتوره مها^_^ ان الفراشه بتروح مكان ماهي عايزه ومحدش بيعرف الاتجاه بتاعها فين غير لما هي تروح بالاتجاه اللي هي عايزاه وده بيفاديها من حاجات كتير :)
الخلاصه خليك زي الفراشه :) يعني اعمل الفكره انا نفسي اركب العجله واروح بيها كل مشاويري والعجله ممكن تتطلع بيها على الرصيف لو حابب عشان العربيات :) وبعدين العجله ممكن في مشاوير لو حابب صغيره وكده والمشاوير الكبيره ممكن مشي عشان مش تمشي مسافه كبيره بالعجله او تاخدها رياضه جري :) > عندكوا حاجات كتير ممكن تعملوها اللهم بارك جري وعجل ومشاوير بعيده مشي <
ومن ناحية مبرر العجل مفي عربيات نفس الحكايه فيه ناس بتتفادي كتير من حوادث العربيات لانها > ممتازه في السواقه < وانت اتدرب على العجله وحاول تتدرب كويس وتبقى ماهر في سواقة العجل عشان التفادي > لأن الفكره رائعه ف حد ذاتها < :)
و بالنسبه للعربيه افتكرت العربيه > رينو ميجان :) < هي عيوبها ايه ؟ :)
هو في الواقع نظرية الفراشه تختلف عن التصور ده :)
حذفبس حلو برده التصور بتاعك :D
ممكن تعملي بحث عنها في جوجل :)
المشكله مش في التفادي
المشكله في أخطاء الأخرين
ميجان زي الفل بس عايزه حد يدلعها :D
انا قررت اني معملش الكومنت ده غير لما اسرش عليها وفعلا سرشت بس فيه حاجات مش فهمتها بس هفهمها بإذن الله :)
ردحذفتاني نقطه انا كنت بتكلم عن النقطه في فكرة ان حضرتك تركب العجله لما واحد فكر نفس الفكره وفكر في نفس الاسباب لما يشوفك عادي بتتفادي مشكلات العربيات هيبدأ يعمل زي حضرتك وهكذا ويبقى مجتمع الدرجات :D وبعد كده مين عالم ان اخطاء الاخرين ديه تنحل من المجتمع بسبب شيوع الدرجات او لو محصلش نفذت فكرتك اللي نفسك فيها :) و انا صراحه وانا رايحه المدرسه او راجعه منها بشوف ناس ركباها وعادي :D
شكراً على الافاده :D
حتفهميها إن شاء الله :)
حذفيعني أضحي "بأحتماليه " بنفسي في سبيل ان العجل ينتشر
فكره برده :)
ما هو النقطه ان فيه عربيات وحوادث وكده > بعد الشر < الفكره كلها بتتمحور في التفادي يعني انا عمو صاحب الدعوه اليوميه ليا بيمشي على الرصيف وانا في الرمله وانا راحه المدرسه وعادي بيتفادى العربيات وده عمو عجوز ! واللهم بارك صحته تمام وبشوف ناس ركبه عجل وانا راجعه من المدرسه ولا صاحب الركنه الامريكيه بالعجله :D
حذفانا مش بقول احتماليه انا بقول نفذ فكرتك باحتياطك الامنيه مشاوير قصيره بالعجله ومشاوير بعيده شويه جري واهو رياضه انا بقول لان افكره روووعه :) والعجل منتشر بس عايز مارثون عجل يومي وهتلاقي الشعب نفسه في عجل :)
بامر الله حضرتك تقدر تنفذ الفكره > الرائعه < :)
فعلا انا بفكر في موضوع المشاوير الصغيره ده
ردحذفكبدايه يعني
و أهي منها رياضه :)
شكرا جدا على مرورك :)
حلوة الفكرة دى :D
ردحذفانا كمان ف حياتى كتير بحاول اعمل كده ازاى اقدر اوصل لاقصى استفاده من كل حاجة حواليا
بما انى عمارة ودارسة انتريور ^_^ بقعد ارتب الحاجة ف البيت بحيث انى استغل المساحات الى عندى اقصى استفاده ممكنة
ولسه بحاول ( ده انا هشقلبلهم البيت بس اخلص xD )
اه
صح
كمان
العنوان حلو اوى :D
بحترم أوي الضخص ال بيطبق دراسة و مجال حبه في حياته الشخصية :)
ردحذفربنا معاكي بقة :D
تسلمي :)
شكرا على مرورك الكريم يا نسمة :)