الخوزعبليه الأولى

مدونة !!!!!
أنا أيه الجابني هنا ؟!
لا أخفيكم سراً ان هدفى من إنشاء المدونه دي ولا هو رغبه ف استعراض مهاراتي الأدبيه الفائقه
و لا هو أحتياج للفضفضه
ولا هو رساله عايز أوصلها
ولا أي حاجه من الحاجات دي

هدفي هو المعرفه

او نتكلم بصراحة أكتر

الفضول

الفضول اني اخش عالم المدونات
أعرف المدونين دول بتعاملوا مع المدونات أزاي ... ايه الأمكاتيات البيوفرهلم البلوجر

ايه الصلاحيات العندهم

أزاي ممكن يخلوا كل مدونة ليها سحرها الخاص

الدنيا بتمشى أزاي

و برضة الفضول اني أجرب أكتب .... مش جايز أطلع موهوب و انا مش واخد بالي :D

 نزود سبب تاني منطقى جدا

فجاءه لقبت فى دماغي كلمة " خزعبلات مرئيه " قولت اعملها مدونه


اول انطباع ليه ف ال بلوجر

ان الموضوع مش سهل :(

اه صحيح

بدأت أحس ان المدونة جتبقى  شئ اساسي
زى ال فيس و تويتر و كده يعنى

بمعنى انا أنسان طبيعي
انا عندى أكونت على الفيس
عندي أيميل
عندي تويتر
عندي فليكر

و قريبا عندي مدونة :)

ف أحب لما يحصل كده تكون مدونتي جاهزة

انا نسيت انا عايز اكتب أيه

التدوين مش سهل

ده على اساس انى بدوًن دلوقتي يعني :D