الخزعبلايه الصفريه

الصفريه نسبه لرقم صفر 

لانها كانت يجب ان تسبق أي شئ 


حنعرف المدونه 

معنى كده حنعرف ( أسمها .. عنوانها .. أسم صاحبها ... هدفها ) 

note : الحاجات دي قابله للتغير و ليست مسلمات .

أستغل فكرة اني عيان و مش حنزل أصلي فى اني أكتب شويه .


خزعبلات مرئيه

نتفق على شئ .... اللفظ لا يكتسب قيمته من معناه ولكن يكتسب قيمته من النطاق و النيه المذكور بها . 

عموما النيه الذكرتها بيها مطلعتش تختلف كثيرا عن المعنى اللقظي 

خزعبلاتي عباره عن أفكار غير ناضجه ولا مرتبه 
غير مصطلح على صحتها لذلك تنسب للضلال حتى تعرف حقيقتها 
خزعبلاتي عباره عن دوشه ... غير مقيده بفكر او تقيم معين 

الخزعبلات تكون غير قابله للنقد ... لانها اصلا منقوده فى لفظها 

الخزعبلات مجال خصب ممكن ننسب أي شئ إليه 

... مرئية ... عشان خرجت من مجال انها اشارات عصبيه و كهربائيه داخل خلايا العقل الرماديه 
إلى إشارات ألكترونيه قابله للترجمه على شاشه الحاسوب .


بزرميط : 
لو عملت عليها search على جوجل حتلاقي تعريف واحد و كل المواقع نقلاه من بعضها 

" لفظ يفيد عدم التجانس و مشتق من الكلمه الفرنسيه pizzar " 

btw  ملقتش الكلمه دي على النت 

  خزعبلات .... اكيد حتكون مش متناسقه يعني 
تلقيب الشئ و الحكم عليه بالزرميط بيعطيك حريه اللخبطه كما تريد 

زي ما الأب لما يقول على أبنه صايع ... فيبقى من حق الأبن انه يصيع ... ما هو كده كده بيتقاله صايع 

الفكره بتفكرني بنكته 
"  محشش بيسأل واحد امريكي قاله بدخن قاله نووووو
بتشرب مخدرات قاله نوووو
يبقي اكيد بتمشي مع بنات قاله نوووو
المحشش قاله
يخرب بيتك يعني كافر علي الفاضي " 

من أهم المميزات هنا 
انك ممكن تستظرف براحتك 
تكون سخيف بقه تكون دمك خفيف 
محدش ليه فيه .... مدونتي و انا حر فيها 
محدش ليه حاجه عندك 
انت مش بتفرض على حد يقرأ كلامك 
هو ال بيجي 
يبقى لازم يستحملك 

ممكن نشبه الفرق بين هنا  و أي  social network  بالفرق بين انك تكون فى غرفه لوحدك 
او تكون فى غرفه مشتركه فى المدينه الجامعيه 


طب انا بكتب ليه و انا عارف ان مفيش حد حيفرأ كلامي 

//// مممممم //// 
نخليها الخزعبلايه الجايه 
في أخطاء املائيه ...
اكيد .. بس انا مش حراجع